影片
更多
2024-05-23
18 浏览
喺寿々乃嘅呢一餐系令我非常难忘嘅体验，由前菜到甜品都无可挑剔。首先系茶碗蒸，虾、蚬好鲜甜，柴鱼碎同油扬、冬菇相得益彰。之后系蚬汤，师傅冇落盐煮出黎，柚子味重，又唔会影响蚬本身嘅味道，极之开胃。刺身五点包括樱花鲷、鰝鲹、关鲭、赤贝同水八爪鱼同埋佢嘅吸盘。樱花鲷点酸汁，紫苏花同白身鱼配合完美。师傅即场处理水八爪鱼，功夫老道，真系一场视觉飨宴。第一次试水八爪鱼吸盘，又脆又可口。和食系炸真酱灼海老，外皮酥脆，内里极creamy，啖啖享受。寿司完全出乎我想像，有神奈川针鱼、青森帆立贝、静冈金木鲷、八件贝、中拖罗、大拖罗蛇腹、酱油渍、北海道根室海胆，北海道根室海胆最impressive，日本人视之为品质最高嘅海胆品种，金色嘅胆肉饱满又肥厚，非常吸引；食落口即刻化开，十分浓郁，甘香回味无穷。之后仲有师傅私人醒嘅中拖罗葱卷，好开心。随之而来嘅面豉汤乌冬同甜品冲绳热情果芝士饼配咖啡都系大满足。寿々乃除咗食物出色，陈师父嘅讲解同幽默对答都比到我好好嘅印象，我谂我一定会encore。
首先系茶碗蒸，虾、蚬好鲜甜，柴鱼碎同油扬、冬菇相得益彰。之后系蚬汤，师傅冇落盐煮出黎，柚子味重，又唔会影响蚬本身嘅味道，极之开胃。
刺身五点包括樱花鲷、鰝鲹、关鲭、赤贝同水八爪鱼同埋佢嘅吸盘。樱花鲷点酸汁，紫苏花同白身鱼配合完美。师傅即场处理水八爪鱼，功夫老道，真系一场视觉飨宴。第一次试水八爪鱼吸盘，又脆又可口。
和食系炸真酱灼海老，外皮酥脆，内里极creamy，啖啖享受。
寿司完全出乎我想像，有神奈川针鱼、青森帆立贝、静冈金木鲷、八件贝、中拖罗、大拖罗蛇腹、酱油渍、北海道根室海胆，北海道根室海胆最impressive，日本人视之为品质最高嘅海胆品种，金色嘅胆肉饱满又肥厚，非常吸引；食落口即刻化开，十分浓郁，甘香回味无穷。之后仲有师傅私人醒嘅中拖罗葱卷，好开心。
随之而来嘅面豉汤乌冬同甜品冲绳热情果芝士饼配咖啡都系大满足。寿々乃除咗食物出色，陈师父嘅讲解同幽默对答都比到我好好嘅印象，我谂我一定会encore。
张贴
