影片
更多
2008-07-21
23 浏览
笔者与父母、姐姐及女儿(4岁)共五人于上周五中午午膳时间去了皇后街熟食中心试菜，一心想试吃曾记棵品及陈春记的猪什汤。我姐姐于12点45分先往陈春记找位子，已经多次被恶伙记(戴眼镜女人，约40多50岁)驱赶，本来我姐谂住先叫一碗猪什汤，点知恶伙记唔比，理由系唔知其他人系唔系全部人都叫猪什汤。我姐惟有先行离开，到会合我地后，见原先的位置仍未有人，我地就坐埋去。由于中午繁忙，我地见无伙记招呼我地，于是就走出去档口点菜，点知恶伙记黑口黑面话唔比，仲恶形恶相叫我地返埋位，因为唔知我地坐边，要等她过来帮我地落单。点知这一等，差唔多半个钟，恶伙记终于记得我地仲未落单，由于我地未食过猪什汤，唔知份量如何，加上已于等点菜期间叫了曾记棵品的炒糕棵及6个唔同味道的茶棵，于是打算先叫两个猪什汤米线及猪什汤米粉再决定。点知恶伙记即刻发火闹人，话我地霸住张枱咁耐，唔可以只叫两碗，于是我地再加点一碗猪颈肉粗面，恶伙记依然唔收货，话我地4个大人一定要叫足4碗,，我地只好再加一个紫菜四宝河(因为除了声称〝驰名〞的猪什汤外，也没有什么特别的菜式)。我认为咁嘅要求绝对唔合理，大牌档的不成文规条就系无论坐喺边都可以叫唔同档口
由于中午繁忙，我地见无伙记招呼我地，于是就走出去档口点菜，点知恶伙记黑口黑面话唔比，仲恶形恶相叫我地返埋位，因为唔知我地坐边，要等她过来帮我地落单。点知这一等，差唔多半个钟，恶伙记终于记得我地仲未落单，由于我地未食过猪什汤，唔知份量如何，加上已于等点菜期间叫了曾记棵品的炒糕棵及6个唔同味道的茶棵，于是打算先叫两个猪什汤米线及猪什汤米粉再决定。点知恶伙记即刻发火闹人，话我地霸住张枱咁耐，唔可以只叫两碗，于是我地再加点一碗猪颈肉粗面，恶伙记依然唔收货，话我地4个大人一定要叫足4碗,，我地只好再加一个紫菜四宝河(因为除了声称〝驰名〞的猪什汤外，也没有什么特别的菜式)。我认为咁嘅要求绝对唔合理，大牌档的不成文规条就系无论坐喺边都可以叫唔同档口嘅食物，只要其中有叫坐枱档口的食物就可以，唔通我个女坐一个位又要叫一碗咩?
其实叫几多碗唔系问题，重要的是服务态度。虽然喺大牌档唔期望会服务殷勤，宾至如归，但饮食业点计都系服务业，我地帮衬嘅就系客人，点都应该客气点，但个恶伙记一点都唔尊重客人，真系令人印象分大扣。本来如果食物水准一流嘅话，都可以勉强接受现实，奈何当猪什汤于再半个钟头后送上时(本来要米线，但卖清了要转粗面)，首先卖相已经无甚惊喜，汤底一如普通的潮州汤面，配料有猪红、猪肺、粉肠及大肠等，味道全是淡淡的，就像普通灼熟的味道。惟一可取的是猪内赃算是洗得干净，没有腥味，只是食完整碗都唔觉有什么特别之处，令人不吃不可。因此我地已决定不会再帮衬陈春记，虽然猪什汤没有很多家在卖，但综合服务水平及食物水准，皆不属水准之作，不吃亦不会是损失。更可免受恶气。如果陈春记真的其门如市，唔该请多些伙记，档口只得一个恶女人同一个已经驼背的婆婆，想唔待慢人客才怪。又如果陈春记唔系太好生意的话，而恶女人又好似唔忧做嘅话，不如索性执左个档口去享福好过，无谓折磨食客，比钱你地赚仲要睇你面色，学刘德华话斋，今时今日咁嘅服务态度点得。就算食物好食到飞起，如果配咁嘅服务态度，阿苏实话执左去好过!
我唔知道系唔系蔡澜先生去过陈春记之后多左生意所以令到个伙记咁燥，如果系嘅话，蔡生真系好心做坏事。蔡生去帮衬及拍野，一定会好好招呼啦，所以我觉得蔡生电视节目介绍食肆前应该先揾人做卧底试下菜顺便睇下d服务态度，如果认为合格才好推荐比人去，因为电视节目接触面大，很多观众睇完会慕名而去帮衬，如果外地旅客去到遇到咁嘅服务，真系失礼死人。笔者好少咁劳气，但系这档食肆真系超级离谱，所以不吐不快，有胆识的人士不妨去挑战一下。
张贴