得龍生哥美食

营业中

休息中

得龙大饭店系新蒲岗老字号 就系人都知。 前𠮶排喺得之佢 要结业都有啲唔舍得。 幸好 佢终于重开， 虽然只系做外卖生意， 冇得再食返一盅两件， 特丽佢啲外卖水准都唔错㗎。 陈皮鸭腿汤饭 一客汤饭买40蚊， 价钱廉宜但系水准却系几高， 最紧要系大件夹抵食。 鸭肉汤饭 食得出得龙舍得用靓陈皮 ， 饮落有淡淡陈皮香 ， 汤色清而不俗 ， 鲜浓香醇 ，而且鸭脾大大件， 鸭皮下的肉仍然粉嫩， 汤头有齐芫茜， 冬瓜 同冬菇， 拌白饭吃， 成碗汤渣都冇得整。而且买外卖仲会送多碗例汤，是日例汤系青红萝卜煲猪骨汤， 劲多青红萝卜，清甜而有肉味， 最重要系不带味精，不错。 除咗外卖饭， 得龙亦都买埋特大炸鱼蛋同埋猪皮， 可以拣沙嗲或者咖哩汁， 炸鱼蛋爽口弹牙非常， 最重要系自家制咖哩酱炒得香口， 秘制十几廿样香料调配而成， 却又不会过咸， 当猪皮索晒啲汁之后 ， 食到停唔到口 。