Epoch Coffee Bar and Desserterie (已結業)

今朝同阿妈shopping完，行到劲累，于是阿妈提议不如去afternoon tea。谂左好耐，最终谂不如去屋企附近间Epoch，反正成日都只系果度食晚餐，听阿妈话afternoon tea都ok!!所以决定一试。去到餐厅人唔系好多，可能系平日,而且又系番工时间！所以坐得好舒服！环境宁静！阿妈一坐低谂都唔洗谂就决定要镇店之宝— Varlhona 7-layer Cake!!而我就决定饮 latte ，买既时候，店员同我讲可以自制 latte，仲可以拉花！！我见到有得自己整 latte，好像好得意！！所以我决定要去变身做咖啡师，哈哈！！一路整咖啡，一路其实有人教点整！所以唔识整都唔洗惊, 人人都可以变成做咖啡师。杯咖啡仲可以拉花，当然有人会教你！我就拣左拉叶形！由于我能力有限，我系拉唔出叶既图案！不过咖啡师好好人，佢帮我尽量修饰番我杯咖啡，仲同我讲都几似一只抽象派蝴蝶！！ 因此最后我杯抽象派蝴蝶咖啡就诞生了！！ 一路整时咖啡师仲同我讲整咖啡小贴士！！佢真系好有心！！杯咖啡味道真系有番咁上下,都几滑，拍得住专业！（自己做当然系正野！哈哈！）整完杯咖啡真系觉得几好玩，下次要带下男友仔黎玩下！