有錢佬靚粥 (已結業)

揸住架车喺东大街揾食难度极高，一嚟难揾位泊车，二嚟俾你揾到个位又要担心随时被抄牌，所以一定要速战速决。老实讲嚟呢度食唔系因为啲嘢好食（之前根本未食过），而系贪佢位置够方便，可以望实部车，食都食得安心啲。虽然呢度专卖生滚粥，但食粥时间太长唔啱我，点咗豉油皇炒面、鱼蓉烧卖、虾米肠。炒面系即炒，ok有镬气，唔错！烧卖烟靱，加豉油辣油后有种独特香气。虾米肠都好软滑，配秘制酱汁，好味！东大街嘅小食嚟讲，呢间算系价廉物美，属水准之上！