天湖印度餐廳

营业中

休息中

朋友推介我地食印度餐厅，未去之前已经打电话去book，唔识去仲可以叫埋餐厅老板去东涌地铁站接我地，真系好有人情味既小店。舖头唔算好大，入面2张枱出面有4、5张。老板系印度人但识少少广东话，所以唔惊沟通唔到，而且仲好好人。7个人嗌左2个二人餐，再加啲小食。推介以下其中三样。叫左个咖哩羊，好香好浓，但唔太辣，好岩香港人口味。仲配埋烤饼，味道好夹，如果有饭就更加好！仲叫左胡椒烤饼，颜色好靓，几吸引！食落好香脆，好香胡椒味但唔会辣。用黎做餐前小食就一流！如果佢唔系咁多莞茜，我会更中意！最推介系芝士薯条，好香脆，好浓芝士，仲可拉丝，佢系几种芝士混合而成，好少食绿色既芝士呢！食完好想叫多个，不过太饱喇，下次要再叫！最后食左7百几，都唔算贵啦！