稻神食堂

营业中

休息中

又约老友出黎食饭，话想试下d新野又唔想出咁远，上网揾到呢间开系天水围湿地公园新屋苑入面，睇过d食物相几靓同价钱都唔系贵，一于走入去试下啦。店面唔算话好大，大约几张枱，晚饭时间都唔多人坐唔爆，应该系主力做返呢个屋苑d住客既生意，好少人真系会特登走黎食，始终唔系中心点。讲返食物先，今日求其叫左个酸菜鱼水晶粉，牛腩牛孖筋菜饭，小食拼盘，酸菜鱼老友话ok，牛腩用坑腩，够腍够入味，牛筋都好腍，菜饭正常但上枱d饭暖的，奇怪，d𩠌又好热，小食拼盘有炸酥肉，鸡猪沙嗲串同炸鸡翼，全部香口野，唔会炸得太油，几好。服务睇落唔错，格黎枱有个人系度同个侍应问长问短又大大声，d侍应都系好有礼貌咁对答，唔会黑口黑面。下次可以再试埋下其他食物。