華香園

营业中

休息中

呢间云南米线店隐藏系街市隔离，望落去同普通茶餐厅冇乜分别，睇个名都念唔到系卖云南米线既，我系云南米线既fans，谭仔既常客，但如果唔系朋友介绍既话，可能我都唔会特登行入去食。餐厅唔大，有两间房可以坐，如果厨房呢边冇位可以沿著走廊行入少少，就可以见到仲有一间房，摆左几张台，不过写嘢既时候就需要行过去叫伙计写啦。强烈推荐佢既炸酱捞米线，炸酱、花生好足料，可以再额外加𩠌，我钟意加枝竹、牛展、肥牛，有时都会加餐肉。如果可以食少少辣既，可以叫佢加麻辣，加左之后其实唔会好辣，但系更加浓味，好过瘾。佢既冻柠茶都几好味，柠檬片够多够新鲜。