泰豐無骨海南雞飯外賣店

营业中

休息中

荃湾既海南鸡饭非常多，之前系社交平台见过有人推荐呢间小店就帮衬下，又真系几唔错㖞！$35一个饭真系见少卖少，个饭系油黎，但系唔似出面咁油，好香！鸡非常滑，系连鸡胸都滑个种！完全唔硬，之前试过一些好硬既海南鸡，又冻冰冰咁，呢间好滑，应该系即叫即斩。个泰酱系精华！暂时未食过呢种味，好适合点鸡🐓。个鸡汤好浓，饮得出系真系原材料煲出黎，唔系鸡精汤，好饮。买个时有2、3个客都叫1只鸡、半只鸡，似乎街坊都系食开呢间既鸡。下次都试下买鸡加料先！😋不过美中不足系要等一阵，前面有其他客叫几只鸡，师傅需要少少时间。