影片
更多
2019-04-10
253 浏览
今日去到大坑寻找隐世小店，门面简洁神秘，只系贴左手写嘅Menu。一入去发现店内装潢充满了日本风味，墙上贴满不同嘅电影海报，灯光柔和，与厨房亦有适当嘅距离，俾人相当舒服同埋放松嘅感觉，犹如置身系日本嘅居酒屋。店员首先递上一碟精美嘅前菜大根沙律，摆盘相当有心思，炸大根与大根苗嘅配搭一脆一软，加埋酸甜嘅沙律汁互相混和，依道菜十分开胃。接住系前菜山葵吞拿鱼，喺酱油渍吞拿鱼上面铺上发酵之后嘅山葵，吞拿鱼肉质结实，有鲜甜美之余亦有淡淡嘅酱油咸味，山葵就减少左吞拿鱼嘅腥味，配合得很好，怕腥嘅人相信都会好钟意。寿司拼盘一共12贯，有带子、海老、莹光鱿鱼、海胆，还有比较少见的黑鯥同鲔脑天。黑鯥产量稀少，属于高价食材，肉质弹口，味道淡但系层次丰富，愈咀嚼愈发鱼香，而鲔脑天虽然来自吞拿鱼，但大多数嘅日式料理店都冇供应，脑天系成条鱼最多脂肪嘅部位，加上厨师用火轻炙，鱼油香进一步被激发出嚟，口感亦非常软滑，令人一试难忘。其次，寿司嘅第二主角——寿司饭，店家选用咗北海道嘅米，粒粒分明，厨师握寿司的手势亦相当好，份量尺寸适中，呢碟寿司可以话系呢餐嘅重点。味噌煮鲭鱼， 鲭鱼啖啖肉，加埋味噌嘅咸味，越简单就越试到厨师嘅
店员首先递上一碟精美嘅前菜大根沙律，摆盘相当有心思，炸大根与大根苗嘅配搭一脆一软，加埋酸甜嘅沙律汁互相混和，依道菜十分开胃。
接住系前菜山葵吞拿鱼，喺酱油渍吞拿鱼上面铺上发酵之后嘅山葵，吞拿鱼肉质结实，有鲜甜美之余亦有淡淡嘅酱油咸味，山葵就减少左吞拿鱼嘅腥味，配合得很好，怕腥嘅人相信都会好钟意。
寿司拼盘一共12贯，有带子、海老、莹光鱿鱼、海胆，还有比较少见的黑鯥同鲔脑天。黑鯥产量稀少，属于高价食材，肉质弹口，味道淡但系层次丰富，愈咀嚼愈发鱼香，而鲔脑天虽然来自吞拿鱼，但大多数嘅日式料理店都冇供应，脑天系成条鱼最多脂肪嘅部位，加上厨师用火轻炙，鱼油香进一步被激发出嚟，口感亦非常软滑，令人一试难忘。其次，寿司嘅第二主角——寿司饭，店家选用咗北海道嘅米，粒粒分明，厨师握寿司的手势亦相当好，份量尺寸适中，呢碟寿司可以话系呢餐嘅重点。
味噌煮鲭鱼， 鲭鱼啖啖肉，加埋味噌嘅咸味，越简单就越试到厨师嘅手势。
今次整体用餐体验非常好，店员勤快有礼貌，一入到店内就递上热毛巾，亦长期准备好斟茶，店员会因应我哋进食嘅速度而上菜，上菜嘅时候亦都会仔细介绍食物嘅配搭，餐厅整体水准好高。
张贴
