鋒味廚房

营业中

休息中

一间隐藏系工厦既小厨，如果唔系行过见到大大张广告，真系一世都唔会入去食饭。见天气咁冻，梗系叫个羊腩煲暖下个身，估唔到咁大个煲都系199，仲要劲足料。羊腩炆得好入味，又软冧，仲啖啖肉，真系大件夹抵食！同场加映菜干白肺汤润一润佢，汤水清甜，一碗落肚个人暖哂，每人都饮到2,3碗！另外叫左个菠萝咕噜肉同黑椒薯仔牛柳粒。个咕噜肉甜酸适中，肉质有咬口，配上新鲜菠萝，真系惹味又醒胃！相比之下，个牛柳粒算无咁出色，不过都炒到好够镬气，牛肉大旧得来都嫩口！成餐几个人都食到抱住个肚好满足，值得推介！