鶴崎居酒屋 (已結業)

隐世居酒屋，打卡棉花糖鹿儿岛和牛寿喜锅，餐厅设计走日式怀旧风，多影相位！环境一入门口已经有个大酒柜，仲有个鼓可以影相，而旁边嘅卡位亦都好似独立包厢咁，私隐度高。餐牌都几多嘢食拣，不能尽影。云糖寿喜锅(鹿儿岛和牛) $268 一上枱好吸晴，唔止系寿喜烧咁简单，仲配有棉花糖喺上面，等棉花糖用于汤底之中，可以提升甜度，就可以食。寿喜烧本身都属甜汤底，加埋棉花糖落去甜度刚好，配上鹿儿岛和牛、菌类、豆腐，都几饱肚！北海道刺身丼 $118 本身谂住叫寿司，但叫呢个丼饭又抵食又可以试唔同嘅刺身。有海胆、带子、蟹钳、吞拿鱼蓉等等，配埋酱油调味，刺身新鲜嫩滑，亦带鱼油香。花鱼一夜干 $92 嗌咗碟烧鱼，份量好够，烧得匀称，鱼质略弹牙颇鲜嫩，但骨就比较多，要食得好小心。