影片
更多
2018-07-14
186 浏览
啲人成日话工厂区有好多好嘢食，今次朋友介绍咗呢间魔膳厨房，终于去咗试下，果然名不虚传。由大街上到去店舖门口， 布满好多唔同嘅油画，成个艺术廊咁 ，劲有艺术气息。而且仲见到原来好多明星都有帮衬过架。入到去餐厅完全唔觉得喺工厂区，餐厅装修有特色，有格调。中间有一个好吸睛嘅沙律吧，七彩缤纷。老板话睇下你叫咩餐，然后加番钱就可以任食沙律吧。一坐低，老板就介绍新张期间，惠顾任何晚市套餐，加一蚊可以多一个小食，有 帕尔玛火腿伴哈密瓜、泰式香茅蔗虾、糯米酿香辣鸡翼、精选蛋糕 ，全部都非常吸引，好难拣啊。最后听老板介绍，拣咗佢哋出名嘅糯米酿香辣鸡翼。 果然真系冇介绍错，金黄香脆嘅鸡翼入面酿住少少嘅糯米，口感十足，而且有少少辣非常之惹味。餐汤方面当然唔少得红汤同白汤，但今次呢个汤真系不得不介绍，罗宋汤材料真系好丰富，味道配合得啱啱好，唔会太酸，而忌廉汤系周打蚬忌廉汤，粒粒蚬肉新鲜肥美， 汤底唔会太稀，又唔会太杰，质地啱啱好 ，仲充满忌廉香味， 坚系好好饮。 餐包一样唔使讲，冇得弹，包身松软可口， 完全食得出系新鲜出炉，唔似一般西餐厅𠮶啲硬掘掘嘅餐包。加埋牛油更加能够散发出佢嘅香味。除左餐汤，我地都叫咗两
啲人成日话工厂区有好多好嘢食，今次朋友介绍咗呢间魔膳厨房，终于去咗试下，果然名不虚传。
由大街上到去店舖门口， 布满好多唔同嘅油画，成个艺术廊咁 ，劲有艺术气息。而且仲见到原来好多明星都有帮衬过架。
入到去餐厅完全唔觉得喺工厂区，餐厅装修有特色，有格调。中间有一个好吸睛嘅沙律吧，七彩缤纷。老板话睇下你叫咩餐，然后加番钱就可以任食沙律吧。
糯米酿香辣鸡翼
12 浏览
0 赞好
0 留言
一坐低，老板就介绍新张期间，惠顾任何晚市套餐，加一蚊可以多一个小食，有 帕尔玛火腿伴哈密瓜、泰式香茅蔗虾、糯米酿香辣鸡翼、精选蛋糕 ，全部都非常吸引，好难拣啊。最后听老板介绍，拣咗佢哋出名嘅糯米酿香辣鸡翼。 果然真系冇介绍错，金黄香脆嘅鸡翼入面酿住少少嘅糯米，口感十足，而且有少少辣非常之惹味。
餐汤方面当然唔少得红汤同白汤，但今次呢个汤真系不得不介绍，罗宋汤材料真系好丰富，味道配合得啱啱好，唔会太酸，而忌廉汤系周打蚬忌廉汤，粒粒蚬肉新鲜肥美， 汤底唔会太稀，又唔会太杰，质地啱啱好 ，仲充满忌廉香味， 坚系好好饮。 餐包一样唔使讲，冇得弹，包身松软可口， 完全食得出系新鲜出炉，唔似一般西餐厅𠮶啲硬掘掘嘅餐包。加埋牛油更加能够散发出佢嘅香味。
荔枝玫瑰梳打，蓝柑柠檬梳打
13 浏览
0 赞好
0 留言
除左餐汤，我地都叫咗两杯嘢饮，一杯系荔枝玫瑰梳打，另一杯系蓝柑柠檬梳打，又蓝又粉，又靓又好味。
法式焗酿田螺
16 浏览
0 赞好
0 留言
头盘系法式焗酿田螺，上碟外表已经唔驶讲，外表金黄，焗得好靓，薯蓉好香，加埋一口田螺，味道绝配啊。
扒大虎虾配龙虾汁扁意粉
18 浏览
0 赞好
0 留言
主菜有2样， 首先系扒大虎虾配龙虾汁扁意粉，虎虾超大只超新鲜，虾肉爽口弹牙，扁意粉索晒所有龙虾汁，条条都充满著龙虾香味，加上意粉 火候控制得好好，唔会太硬亦唔会太淋，条条爽口分明， 非常好味。
极上和牛汉堡配薯角
14 浏览
0 赞好
0 留言
另一个主菜，极上和牛汉堡配薯角， 一上枱已经睇到哗哗声， 汉堡之大份量 同埋望落去一层一层嘅美味食材， 真系见到都流晒口水。和牛够晒厚身，食落去啲肉汁已经必晒出黎，非常juicy。仲有金黄香脆嘅美味薯角作为配菜，另外可以点上秘制酱汁配薯角，份外美味。
柠檬蛋白批
12 浏览
0 赞好
0 留言
焦糖朱古力脆脆三重奏
11 浏览
0 赞好
0 留言
虽然食完咁多已经好饱，但系你知道女仔一食甜品就有第二个胃，所以甜品绝对不容忽视，而且头先入座经过甜品柜嘅时候，已经畀佢啲蛋糕吸引住，所以点可以唔叫呢?! 哈哈哈! 最终拣咗柠檬蛋白批同埋 焦糖朱古力脆脆三重奏。两个甜品净系卖相已经赢晒，放上facebook肯定唔知呃到几多个like。柠檬蛋白批面头一层泡沫，下面嘅蛋糕散发住淡淡柠檬香味，批底都好好味呀，最重要唔会太甜。焦糖朱古力脆脆三重奏仲要再更正，面层系焦糖，中间系chocolate mousse，个底系朱古力脆脆，完全可以一次过满足你3个愿望。
今日真系大满足，朋友真系无介绍错，工厂区真系隐藏住好多美食，大家不妨去试下，真系值得推介。
张贴
