JK Brother's (已搬遷) 新店位置

夜晚嚟到呢间工厦，本身expect唔算好高，点知味道，性价比，一一都远超过预期，已经决定咗会再嚟首先叫咗个韩牛嫩豆腐锅，因为朋友同我都系汤物fans，所以嚟到食韩国嘢，点都要叫个牛肋骨汤乜乜乜嘅点知佢一捧上嚟，我哋都吓窒咗！个锅系平时10几人打边炉嘅size仲要系啲材料全部发咗癫咁堆得满一满，有大葱，娃娃菜，金菇，冬菇，粟米，刨到好幼嘅甘笋丝，仲有主角韩牛片同嫩豆腐一路滚一路饮汤，个汤好甜，粟米嘅甘笋嘅甜都好清新，有少少似韩版嘅寿喜烧天国的猪蹄呢个名我同朋友笑咗好耐XD唔知系咪同n年前套韩剧<天国的阶梯>嘅朋友咁佢又改得好幽默下呢个事实上系一个拼盘，有泡菜，冻豆腐同猪手肉猪手可以用佢俾咗嘅生菜包住一齐食，热辣辣嘅猪仔好肥美多肉，而且皮同筋位十足，好Q弹上面少少嘅芝麻增添香味自家制泡菜好啱口味，唔会太辣，咸咸哋好开胃豆腐相对上味道较淡，有轻轻嘅豆味，酱汁都唔多，但系可以连埋葱丝一齐食，取返个balance杯嘢饮叫星光少女，劲有少女feel，有少少士多啤梨同蓝莓，又靓，用嚟打卡啱哂士多啤梨梳打好香，阵味唔假都唔药水，好好饮而且两个人嗌一瓶好似都有啲太多，加埋饮汤成肚水忍唔住