ReDivine (CAPRI Place) (已結業)

拣左一个星期六晚过黎食饭，呢间餐厅唔系喺海边位置，系喺Capri Place入面，有少少隐蔽。餐厅自成一角，户外用餐区完美融入商场花园，变左做餐厅一部份咁。Menu选择都几多，我点左几道菜，其中最钟意嘅系泰式炭烧猪腩肉，这道菜系menu冇，净系喺周末供应！猪腩肥肉和瘦肉分明，外皮微焦有弹性。好似韩式五花肉咁跟左生菜同大蒜，配上辣辣地嘅泰式酱汁，非常好味😋酱烧法国无激素春鸡都ok大只，烤到外皮脆，肉质鲜嫩，配上特制的加多加多酱，令呢道菜更好味，个酱太好味嘅关系特别点左份香脆蒜蓉法包配黎食😋😋原只大鱿鱼加左好多香料烤，大大只，揸住黎打卡唔错，点泰式酸辣汁好开胃。甜品方面，我地点左法式热情果焦糖布甸。呢个版本加入了新鲜杂莓同热情果，少少酸味令味道更清新。冰凉嘅水果同马卡龙与温暖嘅布甸冰火交融，更能平衡甜腻感。两杯饮品都唔错，星空蝶豆花打卡好靓，系乳酸味嘅饮品😋