新潮樓 (已結業)

放工黎到emax 食野，唔驶同人迫，星期五都可以慢慢坐，舒舒服服😀原来呢间酒楼逢星期五六日都会有人唱歌。气氛好好，岩晒同屋企人黎！屋企人都话好耐冇听过粤语旧歌。服务好，嘢食都非常有水准。先食头盘： 鹅肉拼鹅肠食潮州菜必点，卤水汁好香，唔会太咸但又好入味，鹅肠好爽脆弹牙，份量都好足！椒盐九肚鱼呢个系我嘅最爱。好香好脆，食到停唔倒口！最好系佢唔会太咸☺️真系一流！沙嗲牛肉芥兰虽然卖相唔系好靓，但好好食！有大排档风味，菜好新鲜好爽口！牛肉又好嫩滑😋😋芋头油鸭煲呢个主菜必点！芋头好香好粉，有鸭咸香十足，食落好浓郁又暖身！好啱呢个冻冻地嘅天气食！！福果芋泥芋泥甜度适中，福果又烟烟韧韧咁非常好味！为呢餐饭划上完美嘅句号！