影片
更多
2021-05-20
926 浏览
多数都去开观塘工厦食嘢，估唔到柴湾工厦都有！ 仲要好好食！到达店门后职员带我哋去隔壁餐饮区，需要自己揾位同拎水，餐具等。疫情之下好多餐厅都转左QR code落单，呢到都唔例外，每张枱上面都有个QR code，食物好多种类，有饭，西餐，汉堡包等等。见多人推介汉堡包，所以叫咗两款。芝士焗什菌大蘑菇素汉堡包 $60：汉堡包有烤过，包面好脆！焗完嘅大蘑菇好juicy，配上酱汁，新鲜生菜同紫洋葱，加埋溶化咗嘅芝士，就算冇肉都好好食！好高质！另外加配咗黑松露薯条(+$10)，以为系黑松露酱，点知原来直接将黑松露放上薯条。香系香，但唔会条条薯条都有，所以个人都系钟意平时𠮶种，点酱食配西式红茶做餐饮，红茶有茶香但加入糖奶就唔系好饮到茶味。值得一提系店家好有心将红茶制冰，冰溶化后唔会令饮品变淡💕韩式辣酱泡菜五花肉汉堡包 $65：选配普通薯条，都炸得好脆同热辣辣。平时泡菜五花肉多数配饭，估唔到变成汉堡包馅都唔错！带点香脆的五花肉加上吸引咗酱汁既包，好惹味！不过因为有辣酱，食到最后有机会漏汁，要小心啲。总结：估唔到柴湾工厦入面有间咁高质嘅餐厅，下次可以试下其他菜式~ 因为餐厅系半自助式，食完记得需要自己执拾
到达店门后职员带我哋去隔壁餐饮区，需要自己揾位同拎水，餐具等。
疫情之下好多餐厅都转左QR code落单，呢到都唔例外，每张枱上面都有个QR code，食物好多种类，有饭，西餐，汉堡包等等。
见多人推介汉堡包，所以叫咗两款。
芝士焗什菌大蘑菇素汉堡包 $60：
汉堡包有烤过，包面好脆！
焗完嘅大蘑菇好juicy，配上酱汁，新鲜生菜同紫洋葱，加埋溶化咗嘅芝士，就算冇肉都好好食！好高质！
另外加配咗黑松露薯条(+$10)，以为系黑松露酱，点知原来直接将黑松露放上薯条。
香系香，但唔会条条薯条都有，所以个人都系钟意平时𠮶种，点酱食
配西式红茶做餐饮，红茶有茶香但加入糖奶就唔系好饮到茶味。值得一提系店家好有心将红茶制冰，冰溶化后唔会令饮品变淡💕
韩式辣酱泡菜五花肉汉堡包 $65：
选配普通薯条，都炸得好脆同热辣辣。
平时泡菜五花肉多数配饭，估唔到变成汉堡包馅都唔错！
带点香脆的五花肉加上吸引咗酱汁既包，好惹味！
不过因为有辣酱，食到最后有机会漏汁，要小心啲。
总结：估唔到柴湾工厦入面有间咁高质嘅餐厅，下次可以试下其他菜式~ 因为餐厅系半自助式，食完记得需要自己执拾哦
张贴
