達濠仔

营业中

休息中

达濠仔地道潮汕美食同朋友经过见到呢间达濠仔有几个人排队买外卖，所以都几好奇点解呢间野特别旺，一心本住通常好野都会多人排队既信念就走入去试下。见到呢间买潮汕嘢食嘅餐厅里面嘅食物都几特别。我哋试咗几样野，-特色潮汕肠粉呢个潮汕肠粉外皮真系好滑而且里面嘅馅好丰富，有蛋、生菜、蚝仔同菜脯等，夹埋佢嘅肠粉酱油，每口味道都非常丰富而且好爽口，所有嘅配料味道都好夹，都系第一次食到咁好味嘅肠粉。潮汕猪杂面呢个认真要一赞，佢哋所有嘅猪杂内臓都非常新鲜，有猪粉肠、猪膶、猪心、猪脷猪肚等每样材料都好弹牙，入口好有口感，同埋啲汤底夹埋味道一流，简直系猪杂最强。见到舖里面贴咗喺墙上面嘅杂志都有报道过呢度呢间嘅丸类食物都好出名所以我地都叫左一碗黎试下，我哋叫咗胡椒猪肚丸、潮汕牛筋丸、达濠肉卷面，果然名不虚传， 粒肉丸都好弹牙爽口而且肉质是每粒都好有肉味同多汁，我同朋友都争住食完一粒又一粒，差啲仲想买埋佢地既外包装肉丸返去煮嚟食添。呢间潮汕餐厅嘅老板我非常欣赏因为所有嘅食材做法都系非常认真而且非常新鲜，好快我谂我同朋友都会再去帮衬。