譽滿點心專門店 (已搬遷) 新店位置

农历新年跟朋友去拜年,顺便饮茶吹下水,点知去到九龙城广场间酒楼全部排长龙,等咗好耐都冇位..... 结果朋友带咗我去食地道点心。 喺门口等咗大约十分钟就有位，坐位比较迫夹，但人流较快， 所以我哋好快坐定定就叫点心食。 全部点心都系即叫即蒸，我哋三个人点咗六款点心， 分别系黑松露水晶饺、姜葱牛柏叶、蟹子蒸烧卖、凤爪排骨饭、山竹牛肉球及烧汁鱼蓉茄子。 我特别推介凤爪排骨饭及黑松露水晶饺， 排骨饭系用煲仔上，饭香软熟。 另外黑松露水晶饺睇得出师傅手工，而且入口 淡淡黑松露香味， 其他点心都合格，比酒楼更加好食， 重点系茶位只需4蚊一位， 我哋医饱咗个肚就再行去附近叹咖啡。