爆丼丼 (已結業)

话说今日放工要到荃湾买嘢，咁就顺便揾下有咩好食处啦。不过以荃湾咁大嘅区域，真的好像大海捞针咁。缩小范围后，选择食日式料理啦。咁自己又喺众安街附近，就选择咗爆丼丼啦。入到店舖后，店内嘅人不多。不过坐多阵后，就愈来愈多人啦。眼见咁多人都book咗台，咁我当堂信心大增。首次拣咗人气之选嘅安格斯牛肉鹅肝丼，再拣南蛮炸鸡丼，再拣小食－紫薯金粟饼，日式炸饺子，明太子鸡翼，唐扬日本鱿鱼。人气之选嘅安格斯牛肉鹅肝丼真的唔好，不过鹅肝有少少血水，可能唔够熟。但牛肉好嫩滑。至于南蛮炸鸡丼都足料，唔似吉野家个炸鸡饭咁得4件鸡球。但有少少雪味，可以再做得更好。小食就非常不错，紫著金粟饼炸得超好脆，日式炸饺子亦能锁住肉汁。另外2款小食亦一样咁香口。好正。估唔到开喺唔太当眼嘅小店会有咁高水准，希望小店能够撑下去啦。