影片
更多
2024-04-02
2787 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗去西贡通常都系因为游船河或者食海鲜，之前同朋友响西贡市闲逛时，路经一间唔算特别起眼嘅烘焙店，见舖头细细但入面有唔少人，就入去睇吓！店员好热情招待，我见店内有两个座位，橱窗嘅鲜果挞好吸引，有少少想试，但我又住得远，冇奶油攞住一个挞返屋企，就问吓可唔可以坐低食个挞，店员笑住话梗系可以，我就买一个试吓！🍴鲜果挞（$50）店员问我要唔要切开一半，当然好啦！估唔到一间细细嘅烘焙店买个挞都好用心咁将个挞切好放上木板俾我！一咬落去，挞皮牛油味好香又非常松化，吉士唔算好甜，好味！店员主动问我好唔好食，我答好好食，佢笑得好开心，原来佢唔系店员系老板娘 ，佢话我知原来法国佬系真法国人，佢除咗系烘焙师之外，仲系朱古力师、甜品师仲做咗西厨几年，将唔同技巧放入烘焙产品中，店入面嘅烘焙产品由面团开始都系亲手制作，店内有制作机器，咁啱法国佬响度整紧面团。而且佢仲攞过美国 Miami 长棍奖（即系整长法包嘅奖）！既然系攞奖嘅法包，梗系要试！佢有原味同黑麦芽味，我拣咗冇试过嘅黑麦芽味！🍴黑麦芽长棍（$28）因为我要带走，我问老板娘可唔可以帮我切开一半，佢帮我切好用纸袋装
回头指数 ⭐️⭐️⭐️⭐️
开心指数🤗🤗🤗🤗
去西贡通常都系因为游船河或者食海鲜，之前同朋友响西贡市闲逛时，路经一间唔算特别起眼嘅烘焙店，见舖头细细但入面有唔少人，就入去睇吓！
店员好热情招待，我见店内有两个座位，橱窗嘅鲜果挞好吸引，有少少想试，但我又住得远，冇奶油攞住一个挞返屋企，就问吓可唔可以坐低食个挞，店员笑住话梗系可以，我就买一个试吓！🍴鲜果挞（$50）
店员问我要唔要切开一半，当然好啦！估唔到一间细细嘅烘焙店买个挞都好用心咁将个挞切好放上木板俾我！一咬落去，挞皮牛油味好香又非常松化，吉士唔算好甜，好味！
鲜果挞
$50
200 浏览
1 赞好
0 留言
🍴黑麦芽长棍（$28）因为我要带走，我问老板娘可唔可以帮我切开一半，佢帮我切好用纸袋装住，仲好有仪式感咁贴咗一个贴子。
黑麦芽长棍
$28
274 浏览
0 赞好
0 留言
我试咗3款方式食，先试就咁食，因为返到屋企已经冻晒，个皮烟韧得嚟唔会好似其他法包咁硬身，唔可以用嚟卜头😂，面包厚实得嚟又松软，唔会食完好似一阵风咁冇咗。黑麦芽味道有丁丁酸味同带少少苦甘味，而且麦味较浓，系我钟意嘅味道。跟住用光波炉轻轻焗一焗，外皮变得脆，搽牛油食一流。最后试埋夹肠仔番茄芝士焗热食，都系好好食，果然攞奖系有原因。
老板娘仲话俾我知，刘青云都好钟意食呢款黑麦芽长棍，隔几日就会嚟买，可能下次去买时会见到影帝呢～ 食紧挞嘅期间，有好多客人出出入入，又有行山常客，话嚟亲西贡都嚟买嘢食，如果大家去开西贡，可以去试吓呢间小店。
张贴
