喬居酒屋

营业中

休息中

因为上场未食完未饮完就补赶场之下，友人匆匆忙忙找找附近有什么串烧可以继续下半场？找到了一间行10分钟就，9:00到打去留枱都话要等半个钟，既然我哋兴致勃勃再继续慢慢行过去跟住就等位啦！去到门口话我哋已经到咗，因为店舖比较少，大概得10个位，咁我哋需要等一阵，然后佢哋好窝心就拎咗一支300ml清酒俾我哋饮住等⋯仲同我哋倾偈。今时今日咁嘅态度先系做生意㗎嘛，大约15分钟就入坐。我哋三个人再叫多一支720ml $300大门清酒，呢个价钱系良心价。而佢哋清酒嘅价钱起跳系由$200起适合大众化。首先就每人送咗只温泉蛋前菜，然后推介了鸡唔同部份嘅串烧，连鸡膊头、鸡心喉管都有得食⋯咁我哋重叫咗几款唔同的部位，鸡心、鸡肾、鸡胸脆骨⋯值得一提就系熏烟芝士系自家熏烟，同清酒超级夹。然后必食盐烧吞拿鱼下巴，入口鱼油之香极正！其他串烧也是水准之作⋯在深宵食堂feels嘅小型居酒屋，系你面前烧⋯再一齐饮酒，真系补番上半场的失落感🫶🏻一间有heart 的小店，真心推介👍🏻记得打去订枱啊！呢啲咪叫：你出粒糖，客人甘心输间厂俾你啦！21:00去到仍要等位的福利，多谢老板系你面前即烧串烧送的前菜：温泉蛋加了自家调酱汁，