美味屋

营业中

休息中

有次同我个friend约埋一齐郊游游,心谂点解要去到咁远食饭,一试就知果然值得去咁远！咖哩鸡配薄饼 咖哩唔算太辣，但绝对唔系日本甜咖哩味，虽然唔算太辣，但食得出东南亚正宗地道嘅咖哩味。鸡肉同薯仔都系中上水平，唔算太嫩口，但都唔鞋口。薄饼系十分推介！唔油，唔会太腻，但又唔会冇味，口感好好 👍🏻。真系推介(◐‿◑)Bbq 鸡配饭 呢个嘅鸡肉去咖喱鸡更加之嫩口同埋有味。佢系大有少少甜味但系又唔会好似KFC𠮶啲烧鸡咁样有浸好明显嘅蜜糖味。佢嘅甜味，咸味同埋鸡味配合得好好，唔会话好奇怪。实在唔知道点样形容但系真系好好食 同场佢配埋少少菜加一支另上嘅沙律酱，菜就系普通生菜嘅味道，至于个沙律酱就有浸青瓜味。系甜甜地嘅小清新再加少少草青味，并唔系大家食开𠮶啲西式嘅沙律。呢个我都觉得唔错几解腻。 泰式奶茶佢杯奶茶明显同坊间港式茶餐厅嘅奶茶唔同，有浸好明显嘅香料味，我自己个人唔系咁接受得到，但系我个朋友就好钟意，呢个就真系好睇个人。冻柠檬茶喺未笃柠檬之前就已经好酸好酸，好怕酸嘅朋友就要注意一下。我个人来讲就好钟意啲好酸好酸好酸嘅柠檬茶，个人而言就非常之喜欢了！