天聚源 (已結業)

今日走左入屯门蓝地食蒸汽火锅。初时觉得地点好偏远，但去到个环境真系好正！估唔到香港会有依种咁好feel 的餐厅。有两款前菜提供，等紧锅内食物时可以食住等～锅内会先放好米，待蒸完所有的食材时，可以品尝充满鲜味的粥。餐厅会提供每一种食材蒸的时间同提供埋计时器俾我地，咁就可以以最佳的时间烹调好每一道菜。我地先蒸鸡，初时都咩期望，点知好有惊喜。原来佢地的鸡系走地鸡黎，食落去肉质好细嫩好弹牙，而且佢应该调左味。入口香滑带有少少花雕酒的味道，正！佢地的海鲜全部都好新鲜！扇贝圣子同蚬全部都大粒同充满鲜味。蚬全部都有开口，仲要冇沙，鲜味十足！龙虾放入去仲会郁郁下，果然系即㓥即上，好新鲜！