Sky House (已結業)

黎到海霸街交收，顺便食埋饭。记得上次黎呢条街时好多野食，今晚黎试下呢间西餐厅先。环境唔错地方濶落，最紧要够冷气，香港夏天真系好热，热到滆呀～睇睇餐牌，都几多野拣㖞，简简单单叫两份set dinner，转杯特饮加雪糕先。先上餐汤，是晚系薯仔汤，几creamy，唔错呀。黑松露带子蚬肉意粉，份量意外地大碟！意粉弹牙好味，不过黑松露味唔太食得出了，带子有两粒，蚬肉同杂菌下得很多，抵食。另一份要左烧猪仔脾，其实猪仔脾即系咩位置嘅肉呢？！几正㖞，好嫩滑，啖啖肉得中间一条骨，落了bbq酱同七味粉，几惹味。好想饮杯啡而转左特饮，呢杯系榛子咖啡，咖啡味香浓，奶比例不错，带发出淡淡榛子香。另一杯要了朱古力咖啡，两者平衡做得好，有咖啡香又有朱古力的苦甜味。升级的雪糕原来亦只有一球，一般雪糕球味道无惊喜，有点失望呢。价钱不算贵，食物有水准，杯咖啡最令人回味。