El vaso de oro hk

营业中

休息中

去开摩罗街附近，走咗去西街一间隐世西班牙餐厅，成条街得一间舖头系用红砖砌成非常之易认得出。呢间餐厅嘅厨师系一名西籍嘅大厨，煮嘅都系正宗西班牙口味嘅食物，唔系剩系得个样㗎。今次嚟食午餐就包咗前菜、主菜同埋甜品。前菜嘅BB八爪鱼，煮到入味，而且好腍。啲汁好味道要用面包点嚟食。主菜就叫咗一个墨汁西班牙海鲜饭，入边除咗墨汁仲有新鲜嘅鱿鱼芦笋同埋蘑菇。好浓郁嘅鱿鱼味，而且仲有饭焦添，佢真系新鲜煮出嚟㗎。甜品就叫咗一个Catalana。寿司郎就食得多，原来真正嘅Catalana入边系淋到好似cream咁样，加埋外面嘅焦糖形成一种强烈嘅对比。食完之后的确要赞吓佢嘅味道，同坊间你认知嘅西班牙口味系完全唔一样，都值得上嚟试一试呢间正宗嘅西班牙餐厅。