民華魚蛋粉麵

营业中

休息中

今日又系我呢个大埔友出动揾食既日子啦 经过系开饭网既一番搜索之后 同朋友都决定系呢间大埔民华餐厅到食 原因系佢睇落好食夹大件入到去果然无介绍错 人山又人海 而且睇到啲食物份量一啲都唔少 对我呢啲大食怪黎讲非常唔错 我地叫左一个饭餐 有猪软骨饭 煎蛋 份量够之余 猪肉亦新鲜弹牙 汁亦都好巧妙地将猪骨鲜味提升 而个惊喜就系只蛋 无错 就系只蛋 传统既蛋黄都系浅黄到鲜黄色 呢只蛋既黄系橙色既 靓之余个蛋味亦都十分之突出 连我呢个唔系好食蛋既人都觉得正 简直系世界级数啦之后再口痕叫多个西多士 鲜牛油非常厚切 咸香味加上糖浆既甜 而且西多士用既蛋浆亦都系蛋味浓厚 面包炸到外脆内软 简直一绝 个人认为美中不足既系西多士入面并无花生酱 如果有既话肯定将整体味道提升到另一层次