TC Bistro (已結業)

之前成日经过呢个位置，见到有一间较为有格调的西餐小店，一直都好想一试，终于有机会啦！店内装修唔算好华丽，但感觉几温馨同有人情味。食物选择都唔少，当中亦不乏一啲比较特别的菜式。而各款主菜亦都可以按需要转为套餐。套餐一点也不马虎，沙律唔系普通野菜沙律，而系有Parma Ham的靓沙津。餐汤味道不错，仲几滑溜。我地点左一份十安士的美国西冷，估唔到份量都几多，两个人share都好够食。牛肉味道好浓，油脂分布亦系岩岩好，美国牛扒来讲算系几高质。而且大厨控制火候的功架亦不俗，做到几标准的medium。Seasonal offer 餐饮仲可以免费upgrade做特饮添！除咗招牌的牛扒，意粉都好好味架！整体来讲，性价比好高。下次有机会，一定要再去尝试其他不同的菜式。