E Molto Buono (已結業)

家姐生日谂咗好多地方同佢去边度食饭庆祝，无意中比我喺网上发现到呢间餐厅，可以食fine dining，但价钱唔算非常贵，慢慢坐足全晚，埋单$2000有找，作为庆祝生日，我觉得可以推介俾大家。餐厅好隐蔽，但装修好舒服，待应服务态度更加要大赞，dinner set比较其他fine dining餐厅，真系劲多嘢食，前菜除咗有面包，前菜仲有烧鹌鹑，同刺身海胆杯，餐汤有龙虾汤同磨菇汤，都非常浓厚，好creamy真心好味。主菜上之前都仲有一道菜，长脚蟹同鹅肝都系我最爱，太开心啦。鹅肝好香，蟹脚啖啖肉，每啖都食得出幸福呢🥰 之后用柠檬雪芭清清口腔，终于来到主菜啦。主菜rib eye ，份量好大块，我叫五成熟，真系刚刚好，好有肉味。和牛面额炆得好淋，味道好浓郁，超级好味。最后来个甜品，餐厅真系非常细心，知道家姐生日特登写左个happy birthday 字，仲帮我地影即影即有，最后再饮埋杯花茶，真系非常满足，饱到上心口，最紧要家姐都好满意，生日快乐呀。