名人私房菜 (已搬遷) 新店位置

私房菜愈黎愈多，系尖沙咀想静静地同朋友食下饭倾下计，食下小菜真系好难，但私房菜就做到啦！5个人都可以有间房仔自己食饭👏🏽👏🏽👏🏽爽！虽然好住家，但食既野就唔系一般家庭会自己系屋企煮啦！大白菜猪肺汤，手工好繁复，又要啤水又要整返出黎，重重覆覆咁整几次，谂起都烦！呢个整得好干净，好清新，仲有汤渣可以食，白雪雪👏🏽👏🏽👏🏽再黎个凉拌，味道与别不同，新鲜洋葱，少少辛辣，好刺激味觉，但芒果好甜可以中和返！糖醋松子鱼，又一个屋企唔会整既𩠌，条鱼起肉又炸咁，又一工序繁复之作！炸到脆卜卜，但鱼肉依然唔干，糖醋味道岩岩好，仲用苹果粒增加口感！仲有个胡椒虾，连九层塔都炸得香香脆脆，虾就大大只，仲可以连壳食，胡椒味好香好惹味！