三川居酒屋 (已結業)

第二次帮衬呢间日式居酒屋，对上一次已经系万圣节个排，晚餐时段叫咗二人餐，仲点选咗果汁梳打酒，印象都唔错。今次晏就2点几去帮衬，估唔到略隐蔽嘅铺头依然吸引到唔少食客，几乎全场爆满，都几旺场。二人前时令刺身拼盘拼盘卖相精致，甚具和风感。内有多款厚切时令刺身，如拖罗、带子、牡丹虾、鱿鱼等。拖罗甘甜肥美，入口绵软。带子新鲜程度令人惊艳，鲜甜厚身。鱿鱼亦较坊间食开嘅厚肉好多，爽口弹牙。明太子蟹肉酱焗蚝肉蘑菇批 $98蘑菇批亦令我喜出望外，本身谂住健康啲所以叫焗蘑菇。面层铺满黄金芝士同明太子蟹肉酱，切开即时涌出大量蘑菇汁，十分juicy。食食下仲会食到小巧可爱嘅蚝肉，增加海鲜风味。牛油果软壳蟹卷 $88一碟8件嘅饭卷，被大量蟹籽同沙律酱包围住。软壳蟹好酥脆香口，以牛油果蓉作伴，可惜份量唔多，容易令人遗忘佢嘅存在。