平成 (已結業)

6点后又无堂食，朋友提议改期，最后可以堂食既日子，朋友拣左呢间位于棉登径既居酒屋。劲隐蔽，去到附近兜左一阵先揾到。可能系太隐蔽既关系，唔算太多客～好地道既日式风味，仲好贴心比你挂褛。$60 胡麻冷菠菜 - 开胃小食，平时都系食开胡麻豆腐/秋葵。$160 盐葱酱烧牛舌粒系厚切既牛舌！好有咬口，烧到有少少㶶边，推荐！$80 三重芝士葱蛋饼只系简单既配料，估唔到咁好食！香浓既芝士味，仲有拉丝既效果。$180 温泉蛋松叶蟹肉蟹膏拉面捞面款，吉穿只蛋再捞埋D肉同膏食，口感一流！呢间日式小店有比较少见既菜式，细细间店好适合倾计🍻，比起大型既连锁店，我更钟意呢D有heart小店😊。