有蒸氣 海鮮石鍋專門店 (已結業)

今晚又来去食我最钟意既海鲜粥底火锅🍲 餐厅都几隐蔽，我几乎行错路！ 跟住google map, 穿过左诺士佛台既餐厅，行到尽头，行到个马路口，向左上望，就会见到宝轩酒店，地下就系有蒸气啦！！！ 我地点左南瓜鸡粥底火锅，佢哋会先将生米、南瓜粒同埋鸡肉先落石锅，然后再开始蒸其他野！ 最惊喜系佢一开始会先蒸左个蛋🤤🤤再加上黑松露！ 因为我最钟意食蒸蛋👍🏻👍🏻而且系第一次加黑松露落蒸蛋度，感觉几新鲜个海鲜套餐就系有鲍鱼仔、粉丝圣子、蚬等等既配料！ 最搞笑系我地食个粥时，觉得有d淡口味，我地同餐厅讲佢地话因为佢地全部都系用新鲜食材，完全冇落味精，想客人食到原汁原味。可能我平时食开重口味😂😂所以食得咸既朋友，记得可以叫餐厅帮手落小小盐👍🏻👍🏻👍🏻另外值得一赞既系 餐厅好阔落，我地两个人坐得好舒服，而且侍应又好细心，全程都有帮我地蒸海鲜！