海防串燒越南料理

营业中

休息中

以前中学喺石硖尾读，旁边就系白田村，仲有好多平靓正嘅小店，完全系我地中学放lunch嘅回忆！今日刚好经过石硖尾，所以过来看看，回味一翻。短短几年，呢度好多餐厅都唔同咗，所以想试下未食过嘅餐厅。离远见到呢间海防串烧越南料理，店舖好细，但竟然有成四、五枱客，仲有人企喺度等紧外卖，好，一于试试呢间咁多人嘅餐厅啦！我地叫左一个香茅鸡扒饭同一个香茅鸡中翼饭。除左肉，每个饭有一只蛋同少少菜。首先香茅鸡翼同香茅鸡扒都腌得够入味，亦都系新鲜炸起，食落好热好香口。另外，蛋大约七成熟，吉开刚好有少少蛋汁捞饭食，正！而饭亦有自家嘅豉油汁，唔系死咸嘅普通豉油，加上姜葱蓉捞饭，整体食落去层次十足，味道丰富！虽然环境唔系好好，但呢个价钱食到呢个质素，不错呢！