Season Plus

营业中

休息中

今日去咗尖沙咀山林道一间比较隐蔽嘅西餐食晚饭。依间餐厅系环海大厦地下，位置比较入，一般情况下都未必会去到果个位置。今次其实系朋友介绍我去嘅，朋友话佢哋嘅野食非常之正，而且仲有好靓嘅即开生蚝食添。中码生蚝一份有六只，轻轻浅尝，两个人刚刚好。每只蚝都有三份一只手掌大细，而且好新鲜creamy。两人以上可以试下精选生蚝，店员话精选生蚝虽然比中码生蚝细只，但同等价钱，有成十二只咁多嫁。日本一口和牛粒和牛粒油花均匀，牛味浓郁，每一粒都煎到刚刚好，鲜嫩有肉汁，入口油香而不腻。如果有叫到餐酒，作为佐酒小食亦都相当唔错。白酒煮蚬白酒味好浓郁，而且只只蚬都鲜甜，蚬肉肥美饱满。蚬既数量都好多，好抵食。白酒煮蚬都算系较低卡路里、较为清淡轻松无负担的海鲜料理。威尔斯羊仔架一客四支骨羊仔架，配有沙律菜同脆薯。羊仔架非常之靓、一切开，羊肉仍然十分粉嫩。入口近乎无羊酥味，肉质鲜嫩唔韧，表面微微烤脆，好好食。