榕樹頭

营业中

休息中

今晚放工入嚟夜游大屿山银矿湾，行到9点几，饿饿地，系时候揾啲宵夜食下，平日晚上的银矿湾好宁静，食肆都唔多人，随便拣一间食都ok，但一支公独游觅食，夜晚9点几10点，无理由去海边整返个蒜蓉蒸蛏子王挂？所以就误打误撞见到这间喺openrice都未有食评嘅面档，正，一于等我开斋。入到去，望一望墙上的餐牌，其实泥鯭粥都好吸引，但天气真系有啲热，食粥真系热上加热，所以㨂左最普通的云吞面，一嚟到，见到放葱而唔系韮黄，不其然有啲失望，但抱住「梗系加入香港口味」的心态一试，竟然喜出望外，一咬粒云吞，爽㖞，云吞里面，9成系虾，仲要系新鲜虾，成粒云吞都系，当然啦，如果你钟意食猪肉饀多啲嘅，呢粒云吞就唔啱你。仲有面够爽，汤够清，而个人够味，钟意云吞面加胡椒粉，一落，系辣嘅胡椒粉，一流，唔似加左好多沾米粉嘅「扮胡椒粉」，啱我，云吞面配辣胡椒粉，满足。食好面，同老板倾左阵计，佢话虾同猪肉都系日日新鲜从街巿买的，这就系小店的威力。其他客人提议我食白灼猪什和炸鲮鱼，一谂起，差啲要心动，不过今天一支公，点食到咁多嘢呢？唯有忍忍口，下次带多几个朋人嚟试啦！食饱，继续漫游银矿湾。