川味雞烤魚大王 (隆亨商場) (已結業)

今日喺红梅谷烧烤场行上狮子山，行完梗系大围揾食，听朋友讲有间晏昼开始就有烤鱼火锅食，唔使等到夜晚，决定一试。餐厅唔大，但间隔几好，坐位舒服，同朋友擦翻餐劲嘅！最正嘅系，晏昼已经有烤鱼套餐食，价格唔贵，只系三百蚊有找，但两个小鸟胃怕套餐食唔晒会浪费，所以只系叫左一盘酸菜鲈鱼加米线。餐厅用铁盘端上，热辣辣冒哂烟，汤底酸到十足，且唔会死咸又不渴喉，配菜仲包罗万有：咸酸菜、豆腐、萝卜、旺菜、芽菜、芫荽，每一样都索晒汤汁，而且豆腐唔会好散，萝卜亦够清甜，最后加埋个米线🍜，补充番行完山消耗嘅体力！如果唔想食鱼，佢都有其他午餐提供！