肥佬生煎肉餅專門店

营业中

休息中

又受到疫情关系夜晚无得堂食，收工买外卖返屋企食都尽量帮衬d小店，尽量支持下啦，今之上网揾到呢间主打肉饼既小店，肉饼种类都好多款，各有特色，成日行新北江既我都唔知有1间咁既小店，要特登揾先知。第1次黎到，佢格黎个铺位应该系做堂食既，但夜晚无得堂食所以关左，大约摆到4-5张枱，细细间，位置系个巷仔度，都几热下，堂食唔好预坐得舒服，睇左一阵餐牌好多野想试，今次就试下孜然羊肉肉饼饭啦，即叫即做，收银阿姐落单都讲话要得约18分钟，睇到个老板不停手地煎紧肉饼都见到应该几好生意，行左个圈返去拎，20分钟左右拎到了，时间都预得几准。返到屋企打开个饭，肉饼煎得好香口，肉质都好厚实，饭既软硬度适中，睇得出用心制作，值得继续支持。