黑龍

营业中

休息中

平时会食佢哋嘅豚骨拉面或牛筋Black沾面，但系其实佢哋个樱海老沾面都好鬼正，豚骨汤底加入樱海老另沾面汤加入浓厚嘅虾味。之前都讲过沾面同拉面唔同会用粗身嘅太面，所以周不时沾面会售罄。有个方法可以提升樱海老沾面汤嘅味道，就系另加紫菜。紫菜唔同平时一块块，系一饼好密集嘅紫菜饼，放落汤之后就会化开。宜家再沾面除咗沾上樱花虾仲加埋紫菜碎，味道更上一层楼。平时食完沾面就会用昆布汤开稀饮咗佢，识得食嘢一定要试佢哋嘅牛筋饭。唔系直接食系摆埋落去𠮶沾面汤当汤饭食。牛筋本身已经好腍滑，饭又吸番头先𠮶啲海鲜豚骨汤嘅味道，极之推介。