影片
更多
2015-02-27
1212 浏览
个个都话日本嘢点好点好, 啲人话日本屎都要食, 隔篱饭香, 香港啲拉面做得好极有限, 就算系日本总店黎香港开店, 师傅走咗之后就冇料到. 老实讲, 的确唔少日本响香港开嘅拉面分店水准参次, 挂住个人气大招牌, 俾嘅嘢同原产差一截, 久而久之, 呢个根深柢固嘅观念, 令好多人认为香港版一定唔够好. 其实日本都有难哽嘅面食, 最近到大阪都食过一间老店嘅咖哩乌冬超难食.一兰响香港超人气, 开始时排队排到丧, 而家都仲要排, 只不过冇咁癫啫. 好多人问香港版同日本版有咩区别, 我可以话冇分别. 份量一样; 叉烧一样味, 一样薄; 汤味一样; 面一样少, 一样软硬; 水一样好饮. 唔同嘅系只蛋, 响大阪果间要自己剥壳, 蘸盐食; 坐位间板可以折埋唔驶自闭; 啲侍应讲嘅真系日文; 同埋身处日本啰.查实一兰无论香港定日本, 一向都唔系最好食, 好食过佢嘅大把, 争在你揾唔揾到, 值唔值. 日本一兰一碗790yen, 十算嘅话香港都仲要贵十蚊, 而家啲yen跌成咁就更加觉得唔抵. 其实香港拉面店都系呢个价位, 同日本比价钱根本就系傻的吗, 食材搭飞机都要钱啦!傻猪! 一兰胜在位置方便, 价钱商宜, 冇
豚骨拉面 - 7级辣
$89
68 浏览
0 赞好
0 留言
一兰响香港超人气, 开始时排队排到丧, 而家都仲要排, 只不过冇咁癫啫. 好多人问香港版同日本版有咩区别, 我可以话冇分别. 份量一样; 叉烧一样味, 一样薄; 汤味一样; 面一样少, 一样软硬; 水一样好饮. 唔同嘅系只蛋, 响大阪果间要自己剥壳, 蘸盐食; 坐位间板可以折埋唔驶自闭; 啲侍应讲嘅真系日文; 同埋身处日本啰.
查实一兰无论香港定日本, 一向都唔系最好食, 好食过佢嘅大把, 争在你揾唔揾到, 值唔值. 日本一兰一碗790yen, 十算嘅话香港都仲要贵十蚊, 而家啲yen跌成咁就更加觉得唔抵. 其实香港拉面店都系呢个价位, 同日本比价钱根本就系傻的吗, 食材搭飞机都要钱啦!傻猪!
一兰胜在位置方便, 价钱商宜, 冇花巧, 味道质素维持, 各方面平均. 佢唔系最好, 但系依然好过好多面店; 佢冇特色, 但系样样都到门槛. 就喺你惆怅紧食边间拉面, 又唔知边间好食, 又或者想食果间排长龙, 一兰就系你嘅拉面店安全网.
题外话/补充资料：
当日用餐时间系凌晨4:30, 等候人数4人.....
(以上食记乃用户个人意见 , 并不代表OpenRice之观点。)
张贴
