九龍餐室

营业中

休息中

呢個西多士，厚切，係真厚切，仲可以選果占定花生醬或咖央。唔油得黎，夠鬆軟，又可選不同味，雖然都係食返正常花生醬，但都不錯啦，夠軟綿綿！呢個雞翼撈麵五十幾蚊黎講，個麵仔好似細左少少喎，同3粒白烚無味蘿蔔塞飽你，2隻細雞翼黎到講又無乜肉食，唔係唔飽，而係太細份啫。因為下午茶，可免費飲紅豆冰，無理由唔飲啫。紅豆夠綿，甜度ok。而當我一路食我麵時候，眼見都有3，4枱客食我本來有唸過食嘅鮮茄焗朱扒飯或者白汁焗魚柳飯，就勁後悔叫左，尤其佢可以選意粉，下次會試焗飯或意粉。