影片
更多
2016-07-31
1536 浏览
系黄竹坑游完夜水，个肚饿到咕咕声，即刻想起附近南朗山道熟食中心的泰国菜，可惜一去到平日常去果间冇开 于是就上二楼帮衬第二间＂青咖哩＂，听朋友讲呢间都好食，有位就试下啦！先黎一个椰青，冰冻解喝，清甜无比，而且椰青水系满满的，真系好好饮！再黎一份蒜蓉饱，佢地呢个做法系舖上厚厚既蒜蓉黎焗，而且系一粒粒，唔同其他只系搽上蒜蓉酱，所以更有口感，而且咬落系好脆好香的，餐前小食 青咖哩牛腩，系用茄子伴菜，有别于坊间用薯仔什菜，系新奇既。牛腩肉质尚算嫩滑，一D都唔"un"，青咖哩很香，咸淡味道适中而且带点辣，茄子索哂D咖喱味 呢味菜用黎送白饭一流.虾球抄金边粉，虾球很爽，配上蛋丝，芽菜，酸菜黎抄金边粉，酸酸地好醒胃。最后食串烧，肉质嫩滑，搽左香料黎烧，再配上美味既沙嗲酱，十分惹味 讲到食物既味道呢度真系唔错，可以叫做美味 比起商场或规模大D既泰国菜，呢度绝对唔逊色，甚至有过之而无不及，唯一既缺点系呢个熟食中心系冇冷气，同埋环境麻麻地，想食好味既野就要忍一忍啦，以后再黎到呢度，我都识走上二楼了
先黎一个椰青，冰冻解喝，清甜无比，而且椰青水系满满的，真系好好饮！
再黎一份蒜蓉饱，佢地呢个做法系舖上厚厚既蒜蓉黎焗，而且系一粒粒，唔同其他只系搽上蒜蓉酱，所以更有口感，而且咬落系好脆好香的，餐前小食
青咖哩牛腩，系用茄子伴菜，有别于坊间用薯仔什菜，系新奇既。牛腩肉质尚算嫩滑，一D都唔"un"，青咖哩很香，咸淡味道适中而且带点辣，茄子索哂D咖喱味 呢味菜用黎送白饭一流.
虾球抄金边粉，虾球很爽，配上蛋丝，芽菜，酸菜黎抄金边粉，酸酸地好醒胃。
最后食串烧，肉质嫩滑，搽左香料黎烧，再配上美味既沙嗲酱，十分惹味 讲到食物既味道呢度真系唔错，可以叫做美味 比起商场或规模大D既泰国菜，呢度绝对唔逊色，甚至有过之而无不及，唯一既缺点系呢个熟食中心系冇冷气，同埋环境麻麻地，想食好味既野就要忍一忍啦，以后再黎到呢度，我都识走上二楼了
张贴
