隨心 (已搬遷) 新店位置

庆幸呢个周末天气好好，可以享受户外嘅long weekend,真系要珍惜一下。今个周末，去完附近大型商场后，随心走入咗旧公司附近嘅新加坡马拉菜餐厅🍴夜晚去到大概7成满，好在唔洗等位就有得坐。一坐低，发现menu都几多选择。最后我地两个order左无骨海南鸡饭，帆立贝喇沙，沙爹串烧，黑椒肉骨茶同埋一个生姜茶。最先上嘅系肉骨茶，热度啱啱好，唔会太咸同埋有暖胃既感觉。之后上既laksa好足料，有3只新鲜帆立贝，蟹柳，鱼片同蛋。店员仲好好心提我地要快啲食，避免面吸左汤。第一口试面底，米粉mix濑粉口感丰富Q弹，亦有挂汤功效。顺口试个汤，一入口好香虾干味同埋椰浆同汤portion啱啱好，唔会太漏或太稀。帆立贝亦大只新鲜。（之后友善既收银姐姐同我讲话佢地系由新加坡入口十几种材料再响香港磨碎做个汤底，所以个soupbase好似local laksa咁）接住系令人期待既海南鸡饭！用藤蓝样既胶碟上，碟上饱满既鸡同饭配上三款酱汁卖相一流。👍🏻食一口鸡，好滑同香，再配一啖鸡饭，口感非常柔软同和谐，食落香而不腻。沙爹卖相好可爱，用炸篮上，沾一下花生酱食好香口，肉质鲜嫩同花生酱夹得好好。最后生姜茶唔太甜几暖身。