隨心 (已搬遷) 新店位置

鲗鱼涌太古坊附近食店琳瑯满目，有时经过都会选择困难症，刚好发现一间店名就叫随心，主打新加坡美食，刚好想食海南鸡饭，就同朋友排队试试。作为钟意食海南鸡饭嘅香港人真心觉得呢间抵食又好味，而且价钱都唔贵，环境亦都好宽阔，夜晚嚟到感觉静中带旺，餐牌亦都好多选择，钟意食东南亚菜式一定要试吓。海南鸡饭海南鸡饭鸡肉肉质鲜嫩，完全没有雪藏鸡嘅味道，配合埋三种经典酱汁，确系好味。金沙鱼皮咸蛋黄鱼皮，味道非常香浓滋味，而且鱼皮炸得脆卜卜，份量亦都唔少，颜色望落去金黄，作为小食十分开胃。小食拼盘小食拼盘嘅小食会随时更改，当日食嘅有炸鲜奶、炸虾饼、鸡肉串烧，有时谂唔到食咩都会点小食拼盘，啱晒同朋友两个一齐分享，有串烧仲有香脆嘅炸鲜奶，咬落去鲜奶嘅留心甜甜地好滋味，串烧亦都非常柔软，酱汁入味好吃。