隨心 (已搬遷) 新店位置

之前都有食过随心，觉得佢嘅海南鸡饭同喇沙几好食，于是今日带朋友特登嚟到。大约一点左右，餐厅外面已经好多人，餐厅入面非常嘈吵，同几年前宁静嘅环境差得好远。午餐嘅海南鸡饭配有鸡汤同红茶。随心嘅海南鸡饭依然系咁有椰香味，配埋爽口嘅木耳，两者维持一贯水平。反而鸡就略为失色，无以前咁多肉同嫩，可能因为太多人帮衬而令质素下降。整体嚟讲，随心嘅鸡饭喺同区入面依然出色，希望餐厅可以提升番鸡嘅质素，令多啲人会食完再次帮衬。