隨心 (已搬遷) 新店位置

之前食过呢度嘅喇沙，今次就想试下佢嘅海南鸡。用一个竹篮装住，几靓，有啲似台式餐厅。我食海南鸡都好睇重啲饭架。呢度嘅饭都煮得唔错，唔会煮得太淋或者太湿，米饭几松软。海南鸡肉嫩滑软淋，好味。酱汁都唔错嘅。配菜会有木耳丝，增加口感。我地仲叫多咗份沙嗲串烧，有六串咁多，我地拣咗猪和鸡双拼。沙嗲酱好有特色，面头仲有啲花生，仲神奇嘅系酱汁系热嘅！好正！之后仲叫咗一个新加坡肉骨茶（比较偏胡椒味），以前我就一直唔钟意肉骨茶，觉得味道好怪，好重药材味，不过试咗呢度嘅肉骨茶先发现原来唔系肉骨茶唔好饮，系有啲餐厅嘅肉骨茶唔好饮姐。饮落好正，配料又多，捞埋饭食更正。