港島東體育館泳池餐廳 (已結業)

隐世〔私房菜〕泳池餐厅话说回来，原来体育馆入面都有〔私房菜〕，今次戏厅系爸爸揾既，唔知佢点样揾到呢间戏餐，不过都真系几好味，今日饭局系同姑姐饯行，爸爸一早order左合家欢全包宴(8人套餐)，餐单有，杏汁猪肺汤：猪肺汤真系唔系好多餐厅有得饮，仲要咁多旧猪肺，超级足料同好味，虾子原只鲍鱼金钱生财：鲍鱼十分大只，好弹牙，冬菇好香菇味，彩椒高挂脆皮咕哝肉：咕哝肉几入味，但个人认为细旧左d同少左d，日式豉油海皇虾：虾十分新鲜，一d都唔"梅"，同埋好惹味，喜气洋洋新彊火焰羊架：话明新彊，口味梗系重手d，羊架肉质好淋，而且带点羊酥味，我中意，食羊系要有少少酥先正，春回大地爆丈鸡(霸王鸡)：劲多爆香左既葱，鸡肉质都滑，姜葱油泡海班腩：呢个有少少辣，但辣度可以接受范围内，班腩唔算多，黑松露四宝菇扒碧绿：黑松露真系我至爱，点整都好食，西兰花煮得淋，唔会好硬，香江黄金裹蒸糭：呢个裹蒸糭真系未见过，好特别，个表煎到脆卜卜，好香，椰汁雪燕金沙甜羹：我觉得甜左少少，不过都好香，基本上餐厅得两台客，哈哈，大厨都出黎打招呼，好鬼nice！