影片
更多
2021-10-04
1618 浏览
好多时平日放假，都想揾啲静啲嘅街道小店食下嘢，今次喺呢度搜寻湾仔师父发板，出咗 10 个选择，就拣间最僻静嘅试下。门口同图入面嘅餐牌一样，lunch time 就拣贵少少嘅寿司 set，$248 十件，冇乜好投诉，料够新鲜嘅话，直头系抵食。入座近一时正，店内大概七个客人，在我前面先入咗两位，我一位被安排坐吧枱对住师父，十分正路。唯一一位侍应放低一杯茶一份餐牌，冇一粒声就行咗去招呼另外两位客人，冇所谓啦，你得一个人做。听到两位客人落咗单，侍应亦报咗俾师父知咩餐，我谂住佢识返唻问我啦，一等是五分钟，冇人理过我侍应唔见咗，师父唔望我，存在感跌到人生最低。最后我扬一扬个餐牌拧晒转面，先有人知我想落单，我问 lunch 最好系呢个餐吗？口音原来唔系好正嘅唯一一位侍应就答我寿司系呢个，咁我话好啦唔该你呢个啦。一心以为坐吧枱，师父会慢慢上，食住正常麻汁沙律等，又睇下师父手势，见佢一字排开三块木板，三份餐一齐整，就知我自作多情了，吧枱唔代表会逐件做，一样系成份出，不过收你 $248，算啦。两位师父一齐玩咗十几分钟，玩齐三份餐，就叫出餐，其中一位师父在我面前递俾我，问：你系呢个餐吖嘛？我心谂，我点知呢个
门口同图入面嘅餐牌一样，lunch time 就拣贵少少嘅寿司 set，$248 十件，冇乜好投诉，料够新鲜嘅话，直头系抵食。入座近一时正，店内大概七个客人，在我前面先入咗两位，我一位被安排坐吧枱对住师父，十分正路。唯一一位侍应放低一杯茶一份餐牌，冇一粒声就行咗去招呼另外两位客人，冇所谓啦，你得一个人做。听到两位客人落咗单，侍应亦报咗俾师父知咩餐，我谂住佢识返唻问我啦，一等是五分钟，冇人理过我侍应唔见咗，师父唔望我，存在感跌到人生最低。最后我扬一扬个餐牌拧晒转面，先有人知我想落单，我问 lunch 最好系呢个餐吗？口音原来唔系好正嘅唯一一位侍应就答我寿司系呢个，咁我话好啦唔该你呢个啦。
一心以为坐吧枱，师父会慢慢上，食住正常麻汁沙律等，又睇下师父手势，见佢一字排开三块木板，三份餐一齐整，就知我自作多情了，吧枱唔代表会逐件做，一样系成份出，不过收你 $248，算啦。两位师父一齐玩咗十几分钟，玩齐三份餐，就叫出餐，其中一位师父在我面前递俾我，问：你系呢个餐吖嘛？我心谂，我点知呢个系咪我叫𠮶个餐？我哦咗一下佢就放低咗。我望咗一阵系咩鱼先，师父已经冇再理我，由上左开始，是大拖，赤身，炙秋刀，炙间八，第二行系三款白身鱼，我又不耻下问师父系咩，左起赤鲷，笛鲷，伊佐木，最后系筋子，唔知咩贝，同虾。先食白鱼，三款都系一样味嘅，上面有放少少点缀调味但我真系分唔到。之后嘅我都唔想再写，因为谂唔到点写，净系记得冇味啰，谂住最浓味嘅筋子我放到最后，一入口，吓？甜嘅？你玩我呀？真系估你唔到㖞！喺我食紧最后两件同时，侍应就已经上埋生果，师父就问我餐饮，叫了咖啡。讲讲个饭嘅份量，普通回转寿司用饭机出，正常会系 18gm 一件，系过大嘅，呢度就过细，目测只有 10gm，可能细啲添，大食朋友一定唔会够，我都唔系好够饱所以问师父有冇咩特嘢可以加，佢立即答我海胆啦，北海道根室产 $108，我问仲有呢？佢犹豫咗十几秒揾咗几下，就答吉备奈子啦，我唔知系乜，照答好啦，就加咗各一件。原来成餐饭最有印象深刻就系呢两件，海胆见得人，虽然偏细，饭只有三个五蚊银叠起咁大，但海胆比饭多好多，亦明显新鲜，鲜甜实净胆味浓郁，抵赞！而呢件吉备奈子就犀利，不修边幅开到呸晒边，与饭之间放咗半块大叶，入口冇味只有腥，加块大叶撞一撞，可以算系我食过最难食嘅寿司，饮啖过咸带苦嘅味噌汤冲一冲，饮埋啖好味嘅咖啡走人。
最后仲有一嘢令我的起心肝写下千字长文。我拧转面叫侍应唔该埋单，佢 fill 紧啲嘢背住我，冇反应，我以为佢听唔到，再大声咗少少讲多次，佢即刻答我：听到！等等！比我大声好多，第一下你又唔应，跟住咁样应我？埋单 $440 几，真系食咗一肚火。
张贴