CARAT Fine Indian and Mediterranean Cuisine (盈豐商業大廈)

营业中

休息中

每次到尖沙咀食印度菜都系去重兴大厦，去左几次都觉得闷，今次朋友竟然揾到间印度餐厅系商业大厦4楼，真系大隐隐于市，唔特地上去都唔知有餐厅系到。一出电梯就见到店名Carat大大只咁印系墙到，餐厅装修有一种异国情调，加上侍应都系印度籍，整个体验好像置身外国用餐。餐厅仲有个好大既户外位置，一边望住尖沙咀街景一边食饭都几写意。揭开餐牌真系有惊喜，餐厅除左有印度菜之外，仲提供地中海菜同西餐，种类繁多，睇到人花多眼乱，最后我哋拣左几味招牌印度菜同地中海菜试下。秘制乳酪酱咖喱角配罗望子酱甜酱薄荷酱，乳酪酱混合其他几种酱食落酸酸甜甜，少少咸，配上咖喱角，相当开胃。招牌天多里乳酪香料烤鸡，外皮涂满酱汁，酸辣惹味，鸡肉烤完都好滑嫩多汁。传统印度菠菜蓉咖喱鸡加牛油烤饼，咖喱外表绿油油好特别，味道微辣，配上烤饼食简直一绝，烤饼边皮脆香，中间位有咬口，淋上咖喱汁食完一件又一件，停不了口。摩洛哥烤纽西兰羊架配石榴汁，薯蓉及彩虹甘笋，一道地中海美食，羊架肉嫩味浓，加上石榴汁酸甜更开胃。新鲜甘笋上满满羊肉汁，惹味非常。