一葉台灣料理

营业中

休息中

傍晚时分去咗鲗渔涌站同人交收完，见有d肚饿，咁就出去行吓揾野食，出到去原来系芬尼街，刚巧见到有间台湾菜馆著灯开门，咁就即管行入去试吓，反正好耐冇食台湾菜！可能系刚开始晚市时段，店内只得我一个人，我就梗系留意吓𠮶环境，睇吓有冇咩特别野，感觉上呢间似系街坊小店多啲，再睇睇餐牌，好多嘢拣，基本上台湾嘢必食一定有，个人觉得价钱反宜系似宜家d茶记价$㖞！正在谂紧食乜好，可能我系小妹原因，店长推介话今日d地瓜苗好靓，问我要唔要试吓佢哋嘅皮蛋地瓜苗，咁我就话好丫，但系我同佢讲又想有少少肉食，有咩好介绍，佢话梗系葱爆牛肉，唔食牛咪拣猪同羊都可以，咁我就点左呢两样店长推介。果然真系街坊小店呀，坐咗一阵间，以经有熟客仔进场，入嚟外卖嘅都唔少，咁我都觉得自已起码无拣错先！先嚟嘅系葱爆牛肉，见到d大葱切成细段，亦都比较多，名符其实葱爆，牛肉鲜嫩入味，夹埋一齐食几好味㖞！再嚟皮蛋地瓜苗，用镬仔浸上汤上，感觉好似药饍feel, 有杞子，姜片，皮蛋好好食，地瓜苗店长真系冇介绍错，我全部食晒。整体来讲，环境小店格局，清静舒服，今次食嘅全部都系店长推介，一个人试得唔多，再过开鲗渔涌，会再次帮衬。